toki suli pi pilin pona

tłum. jan Mika

pilin pona o, sewi o,
sina sewi pona kin.
mi mute li seli mute
li tawa tomo sina.
pona sina li wan e a-
li pi tu tan utala.
jan ali li kama sama
tan luka waso sina.

jan ali o kama sama!
o pana e luka kin!
kon sewi pi mun lili la
mama sewi li tomo.

jan pi kama jo e jan po-
na pi jan sama ona
en jan pi kama olin kin
li pana e kon pona.
jan sama pi jan ante wan
li pilin pona mute.
jan pi jo e sama ala
o pilin ike ala.

jan ali o kama sama!
o pona tawa olin!
pilin ni li tawa e jan
tawa mama sewi kin!

lon ali li pilin pona
sama moku e telo.
jan pona anu jan ike
li wile e ona kin.
ona li pana e pona
e jan pona tawa jan
e pipi sin tawa pipi.
ali li sona e ni.

o pilin e ike ala!
o pilin e wawa ni!
o lukin e kon sewi pi
tomo pi mama sewi.

pilin pona li moku pi
tenpo en lon ali kin.
pilin pona li pana e
wawa tawa ma ali!
ona li suli e kasi.
ona li suno seli.
ona li tawa e ijo
pi pini pi ali kin.

mi mute li pilin pona
sama mun lili mute.
o tawa lon nasin pona.
tan ni kin la o kute!

pilin pona li lukin tan
sona ona e jan kin.
pilin ni li tawa e jan
tawa nena pi sona.
lipu kule ona li ta-
wa lon nena suli ni.
jan moli li sona e ni:
sewi li poka ona.

jan ali o weka e i-
ke o pona e ali.
kon sewi pi mun lili la
mama sewi li pona.

jan ma ken ala esun ta-
wa jan sewi. tan ni kin
la o pali sama ona,
o tawa lon nasin ni!
o pana e ike ala
tawa jan ike sina.
ni li lon la jan li pana
e telo oko ala.

o wile ala e mani!
ali o kama sama!
kon sewi pi mun lili la
mama li wile e ni.

pilin pona li sama te-
lo nasa jelo pona.
jan pi moku e jan ante
li moku e pilin ni.
jan ali o kama tawa
moku e telo pona!
ona li tawa kon sewi
tawa tomo sewi kin.

o lukin e kon sewi pi
tomo pi mama sewi.
o moku e telo pona
anpa tomo sewi ni!

wawa pilin tawa jan pi
pilin ike li pona!
jan li toki la jan li pa-
li e ni. ni li pona.
jan pona o, jan ike o,
o kute e sona ni!
kasi pona tan pona ni.
o pini e ike jan!

jan ali o kama poka!
o pali e ijo pi
toki pona pi mi mute.
mama li lukin e ni.

jan ike li pana ala
e ike tawa sina.
sina moli kin la pilin
pona li poka sina.
jan moli o tawa sewi!
o moku e telo po-
na. o pona e ike jan.
ike li ijo tenpo.

pona tawa kon jan sina!
lape pona moli kin!
jan, o pilin ike ala.
mama sewi li pilin.

O ile nie zaznaczono inaczej, treść tej strony objęta jest licencją Creative Commons Attribution-NonCommercial-ShareAlike 3.0 License