soweli pi poki sinpin

jan Ote

soweli pi poki sinpin li lon ma Oselija. ona li lon ma supa. ona li anpa e sinpin ona li kama jo e kasi kepeken uta. ona li sewi e sinpin ona li moku e kasi. kasi li pona tawa ona. taso jan li kama jo e soweli ni la ona li ken moku e kili. luka ona li suli ala. taso noka ona li suli li wawa. ona li wile tawa mute la ona li kepeken e noka taso. monsi linja ona li suli li wawa. soweli pi poki sinpin li ken anpa lon monsi linja ona li utala kepeken noka wawa. jan li wile utala e ona la ona li ken utala e jan. meli pi soweli ni li jo e poki lon sinpin ona. ni li nasa. soweli sin li kama lon tan mama la ona li lili sama pipi suli. ona li pilin e kon pi telo mama tan insa poki. tan ni la soweli lili li tawa poki. ona li moku lon insa poki li lape lon insa poki. mama li tawa lon ma la soweli lili li awen lon insa poki. soweli lili li tawa ala tan insa poki. soweli lili li kama suli. tenpo mun tu li pini la soweli li tawa e lawa ona tan poki mama. ona li kama jo e kasi li moku. tenpo kama la ona li tawa tan poki tawa ma. ike li lon la ona li tawa weka tawa insa poki. soweli ike li ken ala kama jo e ona. ni li pona. soweli lili li pilin e ni: "mama mi li suli li wawa. ona li tomo mi".

soweli pi poki sinpin, tan Robert Parviainen

soweli — zwierzę, ssak poki — pojemnik, pudełko, torba itp. sinpin — przód, front, tors; przed lon — być w/przy/na, istnieć; w, przy, na, za ma — teren, ląd, ziemia, kraina, region ona — on, ona, ono, oni, one; jego, jej, ich supa — pozioma powierzchnia anpa — dolna część; obniżać, położyć (się) kama — powodować, zaczynać; stawać (się) jo — mieć kasi — roślina kepeken — używać; (robić) za pomocą (czegoś) uta — usta sewi — do góry, wysoko, ponad; podnosić moku — jeść, pić; jedzenie pona — dobrze, dobry, miły tawa — iść (do), przemieszczać (się); do, dla taso — lecz, ale; tylko jan — osoba, osoby; człowiek, ludzie ni — ten, ta, to; tamten, tamta, tamto ken — móc, potrafić, być w stanie kili — owoc luka — ręka suli — duży, wielki, ważny ala — nie; nic; żaden; bez noka — noga, stopa wawa — silny, potężny, pełen energii, energiczny wile — chcieć, potrzebować, musieć mute — wiele, dużo, bardzo monsi — tył; z tyłu, za linja — długa giętka rzecz utala — walczyć; uderzać meli — żeński; samica, kobieta nasa — dziwny, dziwaczny, zwariowany

sin — nowy, świeży, następny tan — z, od; powód, przyczyna mama — rodzic; matka, ojciec; opiekun lili — mały, mało sama — taki sam, podobny pipi — owad, robak pilin — czuć, odczuwać; myśleć kon — powietrze, atmosfera, wiatr telo — woda, płyn, ciecz insa — wnętrze lape — spać; odpoczywać awen — czekać, zostawać, wstrzymywać tenpo — czas, pora mun — księżyc; księżycowy tu — dualność, dwa pini — kończyć (się), zakończony; przeszły lawa — prowadzić, rządzić; głowa ike — zły, niedobry, przykry, negatywny weka — z dala, daleko od; oddalać, usuwać mi — ja, mnie, mój tomo — dom, budynek, konstrukcja   Powszechnie przyjęte złożenia: kama jo — uzyskać; brać; chwytać monsi linja — ogon telo mama - mleko tan ni — z tego powodu; dlatego tenpo mun — miesiąc tenpo kama — przyszłość tawa weka — odchodzić, oddalać się; uciekać Użyte przymiotniki dla nazw własnych: ma Oselija — Australia