waso soweli

jan Mika

waso soweli li lon ma mute. ona li lukin ante waso ali. ona li lukin sama soweli lili pi ijo walo uta suli. taso ona li waso tan ni: ona li tawa kon kepeken luka waso. luka waso ni li ante luka pi waso ante. ona li jo e palisa luka e lipu poka ona. palisa luka wan taso li poka lipu ala. luka pi waso soweli en palisa luka ona li linja mute tan ni: waso ni li wile tawa kon pona. tenpo pimeja la waso soweli li lape ala li kama jo e moku. waso ni li jo e nena kute suli. tan ni la ona li kute pi pona mute mute. jan li lukin e ijo la waso soweli li kute e ijo ni. ni li lon tan ni: waso ni li mu pi kalama ala li kute e kalama sin pi mu ona. jan sona pi mute lili li toki e ni: waso ni li ken kute e kule. ni li nasa mute. taso waso soweli li pilin e ni: kute pona li nasa ala. tenpo pimeja la jan en soweli li ken ala lukin pona. taso waso soweli li ken kute pona lon pimeja tan ni: kute li kepeken e kalama li kepeken e suno ala. jan mute li toki e ni: waso soweli ali li moku e telo loje jan. ni li lon ala. waso ni pi mute lili li moku e telo loje. waso ni ante li moku e pipi e kili. jan li kama sona e ni la ona li pilin pona tawa waso ni li toki e ni: waso soweli li pona li moku e pipi ike. ni li lon kin. ona li ken ala moku e pipi tu taso: pipi kule en pipi pi moli luka. pipi kule li kute pona e mu pi waso soweli li weka wawa. pipi pi moli luka li lukin e waso soweli la ona li tawa anpa wawa. waso soweli ken tawa anpa pi wawa lili taso. pipi tu ni li pona. waso li ken ala moku e pipi pona la ona li moku e pipi ike. pipi ike ni li moku e moku jan li mu ike tawa jan. waso ni li mama pona li pona tawa kulupu mama ona li pona tawa kulupu pona ona. ona li pilin e ni: "tenpo ni la mi jo e moku mute. taso ni li ken lon: tenpo kama la mi jo e moku ala. mi pana e moku tawa waso ante la ni li lon: mi jo e moku ala la waso ante li pana e moku tawa mi". ni li pona mute. jan ali li pali sama ni la lon li pona mute.

waso soweli, tan Nevada BLM

waso — stworzenie latające; ptak soweli — zwierzę, ssak lon — być w/przy/na, żyć, istnieć; w, przy, na, za ma — ziemia, teren, ląd, kraj, kraina mute — wiele, dużo, bardzo ona — on, ona, ono, oni, one; jego, jej, ich lukin — widzieć, patrzeć, zobaczyć, oglądać ante — inny, różny, odmienny ali — wszystkie, wszystko, całość sama — ten sam, taki sam, podobny lili — mały, mało ijo — coś, rzecz walo — biały, jasny uta — usta suli — duży, wielki, ważny taso — lecz, ale; tylko tan — z, od; powód, przyczyna; ponieważ ni — ten, ta, to; tamten, tamta, tamto tawa — iść (do), przemieszczać (się); do, dla kon — powietrze, atmosfera, wiatr kepeken — używać; używając luka — ręka jo — mieć palisa — coś smukłego, wydłużonego; patyk lipu — płaszczyzna, płaski; kartka poka — strona, bok, sąsiedztwo; obok wan — jednoczyć (się); element; jeden ala — nie; nic; żaden; bez linja — długa cienka, giętka rzecz wile — chcieć, potrzebować, musieć pona — dobrze, dobry, miły tenpo — czas, pora pimeja — ciemny, czarny lape — spać; odpoczywać kama — przychodzić, powodować, zaczynać moku — jeść, pić; jedzenie nena — wybrzuszenie, guzek, pagórek kute — słyszeć jan — osoba, osoby; człowiek, ludzie mu — odgłos zwierzęcia

kalama — dźwięk, hałas; wydawać dźwięk sin — nowy, świeży, kolejny, następny sona — wiedza, mądrość; wiedzieć, rozumieć toki — mówić, powiedzieć; rozmawiać ken — móc, potrafić, być w stanie kule — kolor, kolorowy nasa — dziwny, dziwaczny pilin — czuć, odczuwać; myśleć suno — słońce; światło; błyszczący telo — woda, płyn, ciecz loje — czerwony pipi — owad, insekt, robak kili — owoc ike — zły, niedobry, przykry, negatywny kin — naprawdę, faktycznie, właśnie tu — dualność, dwa moli — umierać; martwy; śmierć; zabijać weka — z dala, daleko od; oddalać (się) wawa — silny, energiczny; siła anpa — spód, dolna część; obniżać (się) mama — rodzic; matka, ojciec; opiekun kulupu — grupa; społeczność mi — ja, mnie, mój pana — dawać, wysyłać, wydawać pali — robić, wytwarzać, pracować Powszechnie przyjęte złożenia: ijo walo uta — zęby tan ni — z tego powodu; dlatego tawa kon — latać luka waso — skrzydło palisa luka — palec tenpo pimeja — wieczór, noc kama jo — uzyskać; brać telo loje — krew kama sona — dowiadywać się; uczyć się pilin pona tawa… — żywić pozytywne uczucia do… kulupu mama — rodzina tenpo ni — teraz tenpo kama — przyszłość